मां तूं घणी महान
दुनिया दिखाई म्हानै
माणस बणाया म्हानै
गीलै में खुद तूं सोई
सूकै सुयाया म्हानै
जग में बणाई स्यान
मां तूं घणी महान।।
तेरी थां न कोई लेवै
भगवान भी है छोटौ
तेरौ हाथ म्हारै सिर पर
कियां पड़ैगौ टोटौ
जीवण दियौ तूं दान
मां तूं घणी महान।।
चरणां में तेरै अरपित
जीवण सदा मैं करस्यूं
करजाऊ सदांई रै'स्यूं
करजौ कियां मैं भरस्यूं
दिन-रात तेरौ ध्यान
मां तूं घणी महान।।
-दीनदयाल शर्मा,
बाल साहित्यकार,
हनुमानगढ़, राजस्थान
मोबाइल : 09414514666
.jpg)
इसमें तो कोई शक नहीं।
ReplyDelete---------
मोबाइल चार्ज करने के लाजवाब ट्रिक्स।
एग्रीगेटर: यानी एक आंख से देखने वाला।
व्हाला भाई दीनदयाल जी
ReplyDeleteघणैमान रामराम !
माताजी खातर कविता तो सांतरी लिखी ।
चरणां में तेरै अरपित
जीवण सदा मैं करस्यूं
करजाऊ सदांई रै'स्यूं
करजौ कियां मैं भरस्यूं
दिन-रात तेरौ ध्यान
मा तूं घणी महान
रंग है थां'री मात-भगती नैं !
मा'जी नैं म्हारा घणैमान पगैलागणा !
म्हैं मा वास्तै कैवूं कै -
जग खांडो , अर ढाल है मा !
टाबर री रिछपाळ है मा !
मैण जिस्यो हिरदै कंवळो
फळ - फूलां री डाळ है मा !
जगत बेसु्रो बिन थारै
तूं लय अर सुर - ताल है मा !
बिरमा लाख कमाल कियो
सैंस्यूं गजब कमाल है मा !
लिछमी सुरसत अर दुरगा
था'रा रूप विशाल है मा !
मा ई मिंदर री मूरत
अर पूजा रो थाळ है मा !
( पूरी रचना तो म्हारै ब्लॉग पर पढ सको । )
एकर भळै भावां भरी कविता खातर बधाई अर धनवाद !
~*~नूंवै साल 2011 वास्तै हिय तळ सूं मंगळकामनावां !~*~
शुभकामनावां सागै
- राजेन्द्र स्वर्णकार